{"id":3409,"date":"2023-11-20T20:39:09","date_gmt":"2023-11-20T20:39:09","guid":{"rendered":"https:\/\/www.youthculturalheritage.al\/?page_id=3409"},"modified":"2024-04-15T15:58:53","modified_gmt":"2024-04-15T15:58:53","slug":"auto-draft-2","status":"publish","type":"page","link":"https:\/\/www.youthculturalheritage.al\/?page_id=3409","title":{"rendered":"Kick off meeting"},"content":{"rendered":"

Takimi inaugurues i projektit \u201cAlbanian Youth \u2013 The Future of Culture Heritage\u201d<\/h2>

M\u00eb dat\u00eb 29 Qershor 2023 n\u00eb ambientet e Bashkis\u00eb Durr\u00ebs u zhvillua takimi inaugurues i projektit \u201cAlbanian Youth \u2013 The Future of Culture Heritage\u201d, projekt i zbatuar nga Q\u00ebndra Trajnim Edukim Demokraci, me mb\u00ebshtetje financiare t\u00eb Bashkimit Europian n\u00ebp\u00ebrmjet skem\u00ebs s\u00eb Granteve EU4Culture, skem\u00eb grantesh implementuar nga UNOPS n\u00eb bashk\u00ebpunim me Ministrin\u00eb e Ekonomise Kultur\u00ebs dhe Inovacionit.<\/p>

Q\u00ebllimi i takimit ishte prezantimi i projektit si dhe krijimi i urave t\u00eb komunikimit me grupet e ndryshme t\u00eb interesit, n\u00eb m\u00ebnyr\u00eb q\u00eb t\u00eb facilitohej angazhimi i tyre gjat\u00eb implementimit t\u00eb projektit. Pjes\u00ebmarr\u00ebs n\u00eb takim ishin p\u00ebrfaq\u00ebsues t\u00eb institucioneve t\u00eb ndryshme publike si Bashkia Durr\u00ebs, Instituti Komb\u00ebtar i Trash\u00ebgimis\u00eb Kulturore, Q\u00ebndra Muzeore Durr\u00ebs etj. Gjithashtu n\u00eb takim mor\u00ebn pjes\u00eb dhe organizata t\u00eb shoq\u00ebris\u00eb civile t\u00eb qytetit t\u00eb Durr\u00ebsit t\u00eb specializuara n\u00eb trash\u00ebgimin\u00eb kultuore, turizmin dhe rinin\u00eb. Nd\u00ebr to mund t\u00eb p\u00ebrmendim \u201cMuZEH Lab\u201d, \u201cDurr\u00ebsi Aktiv\u201d dhe \u201cBicycle Durres\u201d t\u00eb cilat dhan\u00eb nj\u00eb kontribut t\u00eb \u00e7muar n\u00eb mbar\u00ebvajtjen e k\u00ebtij aktiviteti.<\/p>

Si\u00e7 u p\u00ebrm\u00ebnd dhe m\u00eb lart, t\u00eb rinjt\u00eb jan\u00eb n\u00eb q\u00ebnd\u00ebr t\u00eb k\u00ebtij projekti, si rrjedhoj\u00eb nuk mund t\u00eb mungonin student\u00eb dhe p\u00ebrfaq\u00ebsues nga Universiteti \u201cAleksand\u00ebr Moisiu\u201d Durr\u00ebs, si dhe p\u00ebrfaq\u00ebsues nga shkollat e qytetit si shkolla \u201cJan Kukuzeli\u201d, shkolla \u201cGjergj Kastrioti\u201d dhe shkolla \u201cJusuf Puka\u201d. T\u00eb ftuar n\u00eb takim ishin dhe p\u00ebrfaq\u00ebsues t\u00eb Q\u00ebndr\u00ebs Komunitare Multifunksionale \u201cNishtulla\u201d.<\/p>

Fjalimi p\u00ebrsh\u00ebndet\u00ebs p\u00ebr nisjen e takimit u mbajt nga Drejtoresha Ekzekutive e Qendr\u00ebs TED, Znj.  Klodjana Bregu e cila shpjegoi se si u krijua koncept idea e projektit \u201cAlbanian Youth \u2013 The Future of Culture Heritage\u201d. N\u00eb fjal\u00ebn e saj Znj. Bregu vuri theksin n\u00eb nevoj\u00ebn q\u00eb egziston dhe r\u00ebnd\u00ebsin\u00eb q\u00eb ka rritja e bashk\u00ebpunimit ndj\u00ebrmjet aktor\u00ebve kryesor\u00eb publik dhe privat t\u00eb cil\u00ebt merrem me ruajtjen dhe promovimin trash\u00ebgimis\u00eb kulturore jo vet\u00ebm n\u00eb Durr\u00ebs por edhe m\u00eb gjer\u00eb.<\/p>

Koordinatori i Projektit, z. Endrit Daj\u00e7i b\u00ebri nj\u00eb prezantim t\u00eb detajuar t\u00eb projektit \u201cAlbanian Youth \u2013 The Future of Culture Heritage\u201d duke u ndaluar kryesisht n\u00eb objektivat dhe aktivitetet kryesore t\u00eb tij.<\/p>

Projekti \u201cAlbanian Youth \u2013 The Future of Culture Heritage\u201d do t\u00eb implementohet n\u00eb qytetin e Durr\u00ebsit gjat\u00eb periudh\u00ebs Prill-Dhjetor 2023. Ky projekt ka si q\u00ebllim t\u00eb rris\u00eb nd\u00ebrgjegj\u00ebsimin dhe angazhimin e t\u00eb rinjve t\u00eb qytetit t\u00eb Durr\u00ebsit, n\u00eb ruajtjen dhe promovimin e trash\u00ebgimis\u00eb kulturore. Ky q\u00ebllim synohet t\u00eb arrihet n\u00ebp\u00ebrmjet nd\u00ebrgjegj\u00ebsimit dhe informimit t\u00eb t\u00eb rinjve mbi rolin e trash\u00ebgimis\u00eb kulturore n\u00eb jet\u00ebn sociale dhe ekonomike t\u00eb qytetit, si dhe mbi p\u00ebrgjegj\u00ebsit\u00eb dhe t\u00eb drejtat q\u00eb komuniteti ka n\u00eb lidhje me ruajtjen dhe konservimin e k\u00ebsaj trash\u00ebgimie.<\/p>

Gjat\u00eb zbatimit t\u00eb projektit do t\u00eb kryhen nj\u00eb s\u00ebr\u00eb aktivitetesh. Nd\u00ebr aktivitetet m\u00eb kryesore mund t\u00eb p\u00ebrmendim publikimin e nj\u00eb Manuali mbi Arkeologjin\u00eb. Ky manual do t\u00eb p\u00ebrfshij\u00eb element\u00eb baz\u00eb t\u00eb arkeologjis\u00eb t\u00eb cilat do t\u00eb ken\u00eb si q\u00ebllim ti ofrojn\u00eb lexuesve t\u00eb rinj informacione dhe kuriozitete mbi shkenc\u00ebn e arkeologjis\u00eb dhe se si ajo na ndihmon t\u00eb zbulojm\u00eb historin\u00eb ton\u00eb.<\/p>

Nje seri workshopesh do t\u00eb zhvillohen n\u00eb qytetitn e Durr\u00ebsit ku temat kryesore do t\u00eb jen\u00eb pik\u00ebrisht trash\u00ebgimia kulturore dhe arkeologjia. K\u00ebto aktivitete do t\u00eb zhvillohen me nx\u00ebn\u00ebsit e shkollave t\u00eb qytetit si dhe me f\u00ebmij\u00ebt e q\u00ebndrave komunitare. N\u00eb p\u00ebrfundim t\u00eb workshopeve do t\u00eb zhvillohet dhe nj\u00eb vizit\u00eb kulturore me f\u00ebmij\u00ebt n\u00eb Torren Veneciane dhe n\u00eb Amfiteatrin e Durr\u00ebsit. K\u00ebto aktivitete kan\u00eb si q\u00ebllim t\u00eb nxisin kuriozitetin e t\u00eb rinjve mbi trash\u00ebgimin\u00eb kulturore dhe ti kthejn\u00eb ato n\u00eb individ\u00eb t\u00eb angazhuar n\u00eb mbrojtjen dhe promovimin e k\u00ebsaj trash\u00ebgimie.<\/p>

Nj\u00eb tjet\u00ebr \u00e7\u00ebshtje q\u00eb k\u00ebrkohet t\u00eb adresohet nga projekti \u201cAlbanian Youth \u2013 The Future of Culture Heritage\u201d \u00ebsht\u00eb p\u00ebrmir\u00ebsimi i politikave dhe programeve institucionale p\u00ebr p\u00ebrfshirjen e t\u00eb rinjve n\u00eb tematikat e lidhura me trash\u00ebgimin\u00eb kulturore. Q\u00ebndra TED n\u00eb bashk\u00ebpunim me ekspert\u00eb t\u00eb fush\u00ebs do t\u00eb p\u00ebrgatis\u00eb nj\u00eb udh\u00ebzues q\u00eb do trajtoj\u00eb pik\u00ebrishht rrolin e t\u00eb rinjve n\u00eb mbrojtjen dhe promovimin e trash\u00ebgimis\u00eb kulturore, duke analizuar situat\u00ebn aktuale dhe duke dh\u00ebn\u00eb nj\u00eb s\u00ebr\u00eb rekomandimesh p\u00ebr p\u00ebrmir\u00ebsimin e saj. Pas prezantimit t\u00eb projektit, takimi vijoi me nj\u00eb bised\u00eb t\u00eb hapur me pjes\u00ebmarr\u00ebsit, t\u00eb cil\u00ebt paraqit\u00ebn komentet dhe eksperiencat e tyre mbi temat e prekura nga projekti.<\/p><\/div><\/div>